1. 我如何知道訂單狀態或送貨狀況?
撳「帳戶/設定」,選擇「訂單記錄」,點擊「處理中的訂單」,就會見到訂單嘅送貨進度及貨品詳情。
2. 我可唔可以更改訂單上嘅送貨時間?
當然可以,只要貨品未送到HKTVmall倉庫,可以喺「訂單紀錄」嘅「更改送貨安排」自行更改送貨日子及時間,可揀選的送貨時段分別為10:00 - 14:00、14:00 - 18:00 及 18:00 - 21:00 (註:新的送貨時段不可早於原定的送貨時段)。送貨當日,派貨員會先致電確認預計到達時間。如貨品係由商戶派送,可直接聯絡商戶更改送貨時間。
3. 確認訂單之後,我可以更改或取消訂單嗎?
唔好意思! 因為系統會即時將訂單資料發送畀商戶處理及安排送貨,因此您無法更改已經確認嘅訂單內容或取消該訂單。
4. 如果我張訂單被取消,會以咩方式退款?
唔洗擔心,會根據你嘅付款方式以定:
如果你係以Visa/Master信用卡、銀聯卡、PayPal、PayMe、AlipayHK(支付寶香港)、WeChat Pay HK(微信支付)或八達通付款,相關款項會於5個工作天內以原付款方式退回至您嘅付款帳戶。
如果你係以Mall Dollar付款,相關款項會於下1個工作天內以Mall dollar形式退回至你嘅HKTVmall帳戶。
5. 如果無人接收貨品,你哋會點處理?
您可以放心,我哋系統會自動安排下一個最快嘅送貨時間,透過「訊息」通知您,但留意每張訂單只會派送最多5次,最後都未能成功派送就會取消訂單,亦不會作出任何退款。
6. 收貨後發現貨品有問題,我要點樣處理?
喺收貨日起計7日內,您可以透過「訂單紀錄」嘅「要求退換貨品」申請退換,每張單只有1次嘅退換申請,需提供貨品損毀嘅相片及保留完整嘅貨品包裝,我哋會根據您提供嘅資料與商戶溝通,安排退款或換貨。
7. 除咗以上問題之外,我仲有其他想問,可以點做?
您可以喺「客戶服務」專區查閱更多常見問題的解決方法,或搵我哋嘅客戶服務專員 ─ 「MallMall查」查詢。